ساعدوا الشعب السوداني البطل

[اعترافات عشاق]

اعترافات عشاق (2)

شباب في شوية اسئلة عايزكم تجاوبوها بصراحة وبدون ما زول يغش نفسو لأنو حتى لو كتبت رد انت مامقتنع بيهو لا حتستفيد ولا حأستفيد ولا غيرنا حيستفيد ...?36

(1) لو لازم تجرح في يوم حتجرح اللي بتحبهم انت ولا البيحبوك ؟

(2) منو هو الأهم في حياتك (البتحبهم انت) ولا (البيحبوك) بغض النظر عن إجابة السؤال الأول .... ؟

(3) لو حبيت يوم والانسان اللي حبيتو ماحاسي بيك وبيعمل الدايرو يطلع مع دا ويتونس مع دا ولا جايب خبرك وما بتقدر تكلموا لأي سبب كان حتعمل شنو ؟

(4) لو حبيت انسان في يوم وحصل بينكم فراق لأي سبب كان (خيانة) ، (عدم تفاهم) ، ... الخ
واتولد عندك احساس بيقول ليك اتفادى الانسان دا يعني مثلا يجي مكان تسيبو ليهو
يقول ليك كلام تتهرب منو مثلا حاجات بالشكل ده تفتكر تكون دي كراهية منك ليهو ؟

(5) لو لقيت حبيبك أو حبيتك السابقة مع زول أو زولة في طربيزة في كافتيرا قاعدين اخر مزاج شعورك أو شعورِك حيكون شنو ؟ .... وهل هنا أكيد بتتولد الكراهية ليهو ؟

(6) في جملة بتقول (اللي بيحب يوم عمرو ما بيكره) ....
أول شي هل الجملة دي صاح ولا غلط ؟
طيب لو صاح مقصود ما بيكره حبيبو ولا مابيكره عموما ؟
أتمنى أنو الناس تتجاوب معاي في الموضوع ده لأنو 4/3 الشعب السوداني البطل ?27 بيعاني من المشاكل دي

[اخصائي القلوب]

اوكي بي نجيك... بس خلينا المساء بعد الافطار

[اعترافات عشاق]

أخصائي مشكوووووووور بس الفطور بتاعك شكلو كل يومين ?27

[سودانيه للابد]

اسألتك محيره بجد بس بحااول اجااوب
1\ البحبووني
2\ برضو البحبووني
3\ ححاول انسي الحب دا
4\لا ماكراااهيه بس ممكن تقوول غيزه شديده
5\شعووري حيكووون احساااس جميل عارف ليه؟؟
لانو انا حقعد مع حبيبي التاني في الطربيزه الجنبهم هههه

لا بصرااحه لوكنت بحبه بجد حنغااز وحكرهو كره شديد كره العمى زي مابقولوو
6\ طبعا كلو زول ليه وجهة نظر
انا من وجهة نظري انو البحب بكره ولما يكره بكره بجد

ومشكوووور عالمووضووع الحلو دا

[امواج الحنين]

اولا أسئلتك محيرة زي ما قالت سودانية للابد و بعضهم بحتمل اجابتين لكن يلله
1/ البحبوني لانه ما ممكن اجرح زول بكرهني
2/ البحبوني طبعا. خت في بالك انه مافي زول بحب زول تاني بكرهه يعني غالبا البحوني هم البحبهم
3/ اما اصارحو واشوف البحصل ولا لو انا متردد انساهو
4/ الله اعتقد انها ظاهرة
5/ ما دام انها حبيبتي ((السابقة)) ما بشتغل بيها الشغلة ؟18 الا لو كان في بينا لسة شرارة هاشم الوضع بدافع الغيرة؟17
6/ في رأيي المقولة غلط القلب البحب بكره لكن لو حبيت شخص جدا(قيس وليلى) ما بتكرهه تاني
ارجو الاجابات تكون ساعدت ?27?27

[اعترافات عشاق]

وضاح تسلم بس في عدم وضوح لي اسئلتي في نظرك يعني ما فهمتها كويس ..!