لغه الشباب [الأرشيف] - ..::: منتديات مرسى الحبايب السودانية :::..

مشاهدة النسخة كاملة : لغه الشباب

qurashina

16-Aug-2008, 10:43 PM

السلام عليكم يا بشر

ازيكم و اموركم و الفهم ده

ناس الصحه و البلديه و السكان و القصص دي ؟؟؟

المهم نجيكم من الاخر وكده ....

بالله دايرين اي مان ولا مانه منكم يجي متلب في البوست ده

يدينا مصطلح شبابي و كده

دايرين نعمل قاموس من المصطلحات السودانيه و كده

مع انو انا عندي واحد و حانزلو قريب ان شاء الله

و بالله دايرين تفاعل منكم يا احلى اعضاء ياخ

و يللا انا ببدا

دسيس = اوكي او تمام او جدا و كده

ماسوره = زول شرار يعني بيشر كتير و مرات بتكون على الشي الشروك في زاتو

يللا بليز تفااااااعل

الغريب

17-Aug-2008, 05:01 AM

بس كدا
قاموسك بتبيعو بي كم

(حاجة)الف = تمام لمن بي هناك
التشومة=العضه= الاكل
الحصحاص= الفول
.
.
.

فــــوجي

17-Aug-2008, 02:08 PM

يلا انا جيتكم كمان

مسكني ليها=شريتني=ماعندك كلمه

هــع

يلا منتظرين باقي الشباب

افريكانو

20-Aug-2008, 06:43 AM

والله انا القا موس زاتو

جامد يا حامد الفهم شنو

الساهر

10-Sep-2008, 07:17 AM

الفرده__ الصاحب

امواج الحنين

10-Sep-2008, 10:56 AM

والله كان عندنا ليكم مصطاحات كتيرة لكن قلتو سودانية و بس قمتو خربتوها لينا
على كل هاكم ده واحد
الضحاكات = قروش $26
شايفنو بضحك كيف

امواج الحنين

10-Sep-2008, 11:17 AM

شنو يا شباب ولا لسه نايمين
طيب هاكم ده واحد تاني
هواء = مشكله ?29
وكر(الواو مكسورة), طار ليهو= وقع في مشكلة?29

nano-suger

04-Oct-2008, 11:10 AM

سقد(بضم السين والقاف)=عدم النوم
وتسلم على الموضوع

sudani

04-Oct-2008, 11:23 AM

سقد(بضم السين والقاف)=عدم النوم
وتسلم على الموضوع

والله صحكتيني:

سقد دا يا نانو مصطلح عجايزي وعادي وهو اصلا طير ومعروف انو ما بنوم

ما سمعت بي:
طير السقد ما بنوم وسط الليالي يحوم؟

طيب هاكم :

قرمبوز ...... = ....... صغير
الجلك والجلكينه.......=.......... الوالد والوالده

ولي عوده

امواج الحنين

04-Oct-2008, 10:54 PM

سلام يالفي و المافي

chومه >>> يعني الاكل

عاشق 2pac

05-Oct-2008, 03:29 AM

انتا طيرة =الطيرة يعني الغبي

BASMA

05-Oct-2008, 03:50 AM

كسح, وقد ,واقطع وشك,وهوينا,دردق,ابقى دافر=معناتا امشي (ورينا عرض اكتافك)
مكسب,باسطه,زابط,زط =تمام
مطب
موضوعي مستحمي=يعني بايظ
اييييييييييييييك امشو اي جامعه بتكملو القاموس من اول طالب

اعترافات عشاق

05-Oct-2008, 04:03 AM

هههههههههههههههههههههه

والله موضوع نايس = يعني حلو
وده تعديل **
قرمبوز = الجكس
الجلك والجلكينة = العجوز والعجوزة (عموما)
الدامة = البت
الجاحة = الجكسوية
بوش = فتة فووول (خخخخخخخخخخخخخ)
الفتلون = التلفون
نتلاقى في الملح = في المكالمات بتاعت موبيتل واريبا بعد الساعة 12

جاااااااري البحث استنوني ولي عودة بالمزيد ...?36

دي قنبلة

06-Oct-2008, 02:02 PM

قنبلة <<<<<البت الحلوة والجميلة والحسناء الناعمة والرقيقة ..
اللي بتشبهني كدا ؟5

يسلمو علي البوست العاضي دة ?4

qurashina

06-Oct-2008, 02:19 PM

شن جده على المخده التنجيد ولا الكيس الجديد <<<<< لا تعليق

يسلمو يا اصلي على موضوعك

هي نسيت انا زاتي الكتبتو ?4

kodakee

06-Oct-2008, 07:46 PM

نركوك (( بنطق النون مجممة )) = طفل

جاح = الحاج = الاب

الحكومة = الحجة = الام

طار ليو = مشكلة

كبس = ظابط = اوكي

يسلموو قرشينا على الموضوع النايس

sudani

06-Oct-2008, 11:58 PM

نركوك (( بنطق النون مجممة )) = طفل

هههههههههههههههههههههه

دي جامده يا كوداكي

بالمناسبه دي بي لهجه الدينكا

SEMSEM

07-Oct-2008, 03:25 AM

والله عجبني البوست دا شديد (جااااااااااااااااامد)
شكلي كل مرة ادخل المنتدي بجي ناطي بيجاي..

فارة = ما ناقش ابو النوم..

دي القدرت عليها

T-bag

07-Oct-2008, 04:42 AM

والله سبحان الله
اتقول بقرا في الكتاب الانتومي حق اخوي

ياخ دي لغة ولا مصطلحات طبية
اي حاجه كنته داير اقولا لقيتا مكتوبة
لاكن بنجي بي جديد

امواج الحنين

07-Oct-2008, 07:50 AM