عنــيد
15-Aug-2008, 12:19 AM
نزل جواي مطرك
وانهمر
من غير سحاب
لحظة عشم
و دساك فيني
واترسمت منك ملامحي
ساعة حضورك
من عدم
و ادتني من سر روعتك
وورتني كيف اقراك كتاب
ولما قريتك
جد لقيتك معضله
لا بتلحق قامتك
عشان اديك من خاطري
البفتش في حضورك
ولا بتتنسف صورتك
من الجوف والعصب لامن خطوط الانتباه تلمس مداك
وبقيتي اصل المشكله
..!!
ما انت اصلك مدشكله
هل يمكن احلك مساله
في امتحان الوعي
بين اللا سكوت والامتلاك...؟؟
ما تجاوبي
لاني ما ح اسمعك
لاني من صمتك
بحسك وبفهمك
وافهم وجودي وانحيازي في مداك
ويوم اشتهيك
الدنيا كلها تشتهيك معاي
و ارجع منهزم انا
مجروح براي من لقاك
وريني حلك يا انا
اما اكتم اشتهاك جواي
وامشي مغلوب
واكون مصلوب علي قامتك
ولا اسرق من نضارك وروعتك كل المووايل والغن
وملاهو عدمك بالحضور
وريني حلك يا انا
وقولي لي:
كيف اشرحك
من الجوف سطور..؟
وريني حلك
وقولي ليا :
ممكن اكون موجود بدمك
وينكسر بيناتنا حد المستحيل
ولا المسافه البينا ما قدر الجواب..؟
ما تجاوبي
لاني ما ح اسمعك
لاني من صمتك
بحسك
وبفهمك
وافهم وجودك انت جواي
وانهمارك فيني
زي مطرا نزل من غير سحاب
وانهمر
من غير سحاب
لحظة عشم
و دساك فيني
واترسمت منك ملامحي
ساعة حضورك
من عدم
و ادتني من سر روعتك
وورتني كيف اقراك كتاب
ولما قريتك
جد لقيتك معضله
لا بتلحق قامتك
عشان اديك من خاطري
البفتش في حضورك
ولا بتتنسف صورتك
من الجوف والعصب لامن خطوط الانتباه تلمس مداك
وبقيتي اصل المشكله
..!!
ما انت اصلك مدشكله
هل يمكن احلك مساله
في امتحان الوعي
بين اللا سكوت والامتلاك...؟؟
ما تجاوبي
لاني ما ح اسمعك
لاني من صمتك
بحسك وبفهمك
وافهم وجودي وانحيازي في مداك
ويوم اشتهيك
الدنيا كلها تشتهيك معاي
و ارجع منهزم انا
مجروح براي من لقاك
وريني حلك يا انا
اما اكتم اشتهاك جواي
وامشي مغلوب
واكون مصلوب علي قامتك
ولا اسرق من نضارك وروعتك كل المووايل والغن
وملاهو عدمك بالحضور
وريني حلك يا انا
وقولي لي:
كيف اشرحك
من الجوف سطور..؟
وريني حلك
وقولي ليا :
ممكن اكون موجود بدمك
وينكسر بيناتنا حد المستحيل
ولا المسافه البينا ما قدر الجواب..؟
ما تجاوبي
لاني ما ح اسمعك
لاني من صمتك
بحسك
وبفهمك
وافهم وجودك انت جواي
وانهمارك فيني
زي مطرا نزل من غير سحاب