طلباتكم ياشباب

[candy]

السلام عليكم ورحمة الله وبركاته
كيفكم ياشباب
انا بصراحه حابه اعمل الفكره
دي من زمان
الموضوع بالمختصر الشديد
انوا انحنا نعمل بوس
للطلبات علشان كل واحد فينا يساعد
اي وحده عندها مناسبه عايزه حاجه معينه
لجمال سريع الطالعه حفله ومحتاره في شي
يعني حاجه زي دي تكتب العايزه واي وحده من
بنات المنتدى تساعده
والفكره دي مابس للبنات ممكن كمان
الاولاد يستفيدوا منها معانا
ويلا ورونا همتكم وماتفشلونا
العندوا حاجه حابي يسأل عنها
يسأل طوالي من غير خجل
انحنا بنساعدوا بالبنقدر عليه
موفق بإذن الله ... لكم مني أجمل تحية .

[حمادة عيل]

مشكورة candy على البوست


وانشاء الله كلنا نستفيد منو

[نفرتيتي]

كاندي يا عبقرينوووو ..

بالجد مرات الزول بيحتاج لي مساعدة ..

انا حابة اسألكم ..

بيعجبني لمن زول يلبس لونين من نفس المستوى ..

يعني الاتنين لونين قوييناو لونين خفيفين ..

مثلاً برتقالي و أخضر ..

او بني و تركوازي ..

بيعجبني شديد .. لكن ما عندي الجرأة اني البس الوان كدا .. بحسها مجازفة ..

لأنو انا لبسي كلو الوان غامقة درجات الاسود و البني و كدا ..

عايزة اعرف رايكم شنو في التطقيمات الكدا ..

[Lil"No0oRy]

الاعترااااف فضيله...

يا نفرتيتي....انا سبق وقلتا ليك لما لبستي الاسود..انو في زول مييت ولا شنو؟؟؟

البت دي حيرتني والله بتلبس اسوود طوالي التقوول شغاله في المقابر...!!



اما بالنسبه لي حكايه الاوان اللي قلتيها دي ...

فا انا كمان بشاركك في الرأئ لانو انا من الناس اللي بيلبسو الالوان القلتيها دي..

ويا كاندي...

يسلمووو على البوووست الجمييل ده وانشاء الله الناس كلها تتفاعل معاو..



طييب بالنسبه للاولاد ..يعني ..

انا شخصياا ما بحب البس غير القمصاان ....

بحسها محترمه اكثر والله ما عارف ليه؟؟

لانو الفنايل ...دي دايما الناس بتلبسها للمناظر والحركات وكده....


اما القمصااان فانا والله بموووت فيها اكتر من اي شي ..

ويا سلام لو كانت مع بنطلون جنز ...<<مع انو بناطلين الجنز بتتلس مع الفنايل ....

بس اللي شافني لابس قميص معاو بنطلوون جنز ..حيتاكد انو والله كده احلى..


اها انتو رايكم شنو؟؟؟

دمتم

[candy]

شكرا على المرور بصراحه يادكتوره الالوان دي
انا عندي معاها تجربه شخصيه
بس انت شوفي دايما البكون مناسب للمكان الانتي
فيهو يعني ممكن تلبسيها في اي وقت صباح ولا مسا
لانوا دي الوان بتخلي البت بنوته وانتي جربي وما حتخسري
لانها بجد الوان حلوه مع بص انا شخصيا عندي طقم احمر غامق مع زيتي
اول ماشفتوخفته البسو بس والله طلع فظيع حاجه رهيبه
ويلا ورينا حصل ليك شنو

[candy]

اما انت يامان بصراحه
انا شايفه انوا القمصان رسميه شويه
وبتديك احساس انك في الشغل ولا ماشي تحضر ليك مناسبه
رسميه واحيانا بتديك اكبر من سنك لكن ده مابيمنع يامان انك ممكن تلبس كل انواع الملابس
يعني ممكن تلبس الفنايل وانت طالع مع اصحاب وكمان في فنايل الوانه هاديه
يعني ما فيها حركات كتير ولا كتابات مجنونه يعني انت فاهم قصدي شنو
وطبعا ده في النهايه بعتمد على زوقك

[عُيون المهآ]

مشكوووووووره كاندي على البووست...


طيب اها فهمك شنو بالنسبه للطقييم.....

يعنني مثلا ..انا اطقم الطرحه مع الاسكيرتي..؟؟

والقميص مع الجزمه ولا العكس..؟؟


تسلمي

[نفرتيتي]

رورو يا عسل ..

التطقيم ما تخليهو قاعدة عندك ..

يعني ختي الاساس انو الطرحة و البلوزة و الاسكيرت و الجزمة يكونو متناسقين ..

حتى ما لازم يكونو من نفس اللون او نفس الدرجة ..

و ما لازم تطقمي الطرحة مع الاسكيرت و البلوزة مع الجزمة ..

حاولي بس كلهم يكونو متناسقين ..

[نفرتيتي]

الاعترااااف فضيله...

يا نفرتيتي....انا سبق وقلتا ليك لما لبستي الاسود..انو في زول مييت ولا شنو؟؟؟

البت دي حيرتني والله بتلبس اسوود طوالي التقوول شغاله في المقابر...!!



اما بالنسبه لي حكايه الاوان اللي قلتيها دي ...

فا انا كمان بشاركك في الرأئ لانو انا من الناس اللي بيلبسو الالوان القلتيها دي..



ههههههههههه

على فكرة انا لبسي للجامعة ملون .. بس طلعات المسا لازم تكون الوان غامقة ..

ما عارفة ليه ...؟؟ تقدر تقول نفسيات .. خخخخ

لكن قلت لي مقابر ... ؟؟؟

هههههههههههههههه

الله يجازي محنك يا نوري انتهيت مني عديل ... ?29

[Lil"No0oRy]

طقييم يا ابو طقييم انتي ....لوووووووووووووووووول


هو انتي بتعرفي ليو شنو الطقييم... انتي بس اسوود في اسوود..

حقيقي بس عجبتني لبستك حقت الجامعه دييك ...البنفسجيه كلها دي..


لوووووووووووووول


الله يجازي محني..<<<< آآآآمييين


وبعدين تعالي ما قلتي لي رايك في حكايه القمصان ومالقمصان دي....

[نفرتيتي]

اي القمصان ..

القمصان حلوة بس التيشيرت بيدي احساس كوووول اكتر ..

يعني القمصان مناسبة لي عمر العشرينات او اكتر من كدا ..

حتى في العشرينات التي شيرتات احلى لكن القميص بيدي وقار اكتر ..

يا مان غير ستايلك دا .. التيشيرت عليك احلى ..

[Lil"No0oRy]

تيشيرت شنو يااخ ....


وعرفتيو كيف احلى علي....


...

بس ما عارف لي بحب القمصاان....


لكن نجرب التيشيرتات عشاانك ومالو...


ومشكوووره يا فرده..