دلع الناوي
03-Apr-2008, 09:47 PM
المكان : مطار الدوحه الدولي
الزمان :الساعه وعشره مساء
الخبر : الطائره القطريه القادمه من السودان
قعدت مستنيه اختي تي من السودان بعد غياب طال لعده سنوات وانا قاعده مرت علي اشكال وشخصيات طالعه من البوابه تعالو اوريكم صوره للقادمين \
- اوا واحد راجل في العقد الثالث من العمر شايل شنطه صغيره واري وحده والاثنين طقم طبعا وشكلو زول فاهم وبزنس مان
- الثاني شاب شكله لسه في الجامعه وجاي بعد غيبه طويله والدليل انو بقى زي الاهبل خلا العربيه بتاعت العفش علشان يسلم على اهله في نص الطريق (يعني قدرت تصبر السنين ديل كلهم ماقدرت تصبر الكم دقيقه دول توصل عفشك ليبرا)
-الثالثه طالبة ولا ما عرفه لكن اول سنه تطلع برا السودان شكلاا لأنا لبست احلى حاجة عندا ولتخت الكريمات والمعاجين
واول ما فتح باب الطيارة جات الرطوبة بوصتو . فجات طالعة واول ما الباب فتح شافت الناس وكلم بعاينو ليها
اتخيلت نفسا بريتني سبيرز وديل المعجبين فبقت تتجدع وما شا براحة ومشيت الساعة 12وخليتا بي الحالة دي .
- الرابع عرباوي وشكلو جاي راعي لانو بي جلابية ليها كم سنة ما اتغسلت وشنطة ما عارفا وصلت كيف والجواز في يدوجديد وبتلفت عشان يشوف الكفيل وينو
- الخامس غرباوي ما شاء اللع الناس عشان تعاين ليهو صنقرت عديل لافي الجلابية والعمة وجاري العربية فيها شنطتين
وزياده عليهم ملايه مربوطه اتحدى الي يقدر يفتحها او يفكها
- السادس عريس وعروس جداد لسا الحنة في يدو والمرا محننة لي كتفا وطبعا الكعب عالي وما قادرا تمشي والتوب
جاري في الارض قرب يقع وطبعا تحت التوب الساقين مفاريك بس (غايته النسوان دي اول مره لمن يلبسو التياب بيفضحونا)
- اخر زوله طلعت كانت مره لاحول الله واربعه شفع وشكلهم ظااااهر اول مره يطلعو برا البلد ابوهم مغترب وطبعا الشفع كلو واحد جاي براه لسه بخلعت الطياره الاول راكب في العربيه وبكورك (فاكر نفسو كمساري من السوق العربي ) والثاني جاي داخل من البوابه بيتزحلق في السراميك (طبعا ما اول مره يشوفو ) والثالث ساكينه السكيرتي فاكرينه جاي بالغلط والرابع الحمد لله امه شايلاه واريتها ماشايلاه طبعا بيتبكا وريالته كابه في توب امه وطبعا ليفوتكم التوب اخضر فسفوري والنص الباقي من التوب جاري في الواطه بيمسح في السرميك (ماعارفه ديل زاتهم كانو في الطياره كيف )
دي الوجوه الي اتذكرتها الجات من السودان وذكتني بالسودان ... قلت اذكركم شويه ..
معليش طولت عليكم ...
الزمان :الساعه وعشره مساء
الخبر : الطائره القطريه القادمه من السودان
قعدت مستنيه اختي تي من السودان بعد غياب طال لعده سنوات وانا قاعده مرت علي اشكال وشخصيات طالعه من البوابه تعالو اوريكم صوره للقادمين \
- اوا واحد راجل في العقد الثالث من العمر شايل شنطه صغيره واري وحده والاثنين طقم طبعا وشكلو زول فاهم وبزنس مان
- الثاني شاب شكله لسه في الجامعه وجاي بعد غيبه طويله والدليل انو بقى زي الاهبل خلا العربيه بتاعت العفش علشان يسلم على اهله في نص الطريق (يعني قدرت تصبر السنين ديل كلهم ماقدرت تصبر الكم دقيقه دول توصل عفشك ليبرا)
-الثالثه طالبة ولا ما عرفه لكن اول سنه تطلع برا السودان شكلاا لأنا لبست احلى حاجة عندا ولتخت الكريمات والمعاجين
واول ما فتح باب الطيارة جات الرطوبة بوصتو . فجات طالعة واول ما الباب فتح شافت الناس وكلم بعاينو ليها
اتخيلت نفسا بريتني سبيرز وديل المعجبين فبقت تتجدع وما شا براحة ومشيت الساعة 12وخليتا بي الحالة دي .
- الرابع عرباوي وشكلو جاي راعي لانو بي جلابية ليها كم سنة ما اتغسلت وشنطة ما عارفا وصلت كيف والجواز في يدوجديد وبتلفت عشان يشوف الكفيل وينو
- الخامس غرباوي ما شاء اللع الناس عشان تعاين ليهو صنقرت عديل لافي الجلابية والعمة وجاري العربية فيها شنطتين
وزياده عليهم ملايه مربوطه اتحدى الي يقدر يفتحها او يفكها
- السادس عريس وعروس جداد لسا الحنة في يدو والمرا محننة لي كتفا وطبعا الكعب عالي وما قادرا تمشي والتوب
جاري في الارض قرب يقع وطبعا تحت التوب الساقين مفاريك بس (غايته النسوان دي اول مره لمن يلبسو التياب بيفضحونا)
- اخر زوله طلعت كانت مره لاحول الله واربعه شفع وشكلهم ظااااهر اول مره يطلعو برا البلد ابوهم مغترب وطبعا الشفع كلو واحد جاي براه لسه بخلعت الطياره الاول راكب في العربيه وبكورك (فاكر نفسو كمساري من السوق العربي ) والثاني جاي داخل من البوابه بيتزحلق في السراميك (طبعا ما اول مره يشوفو ) والثالث ساكينه السكيرتي فاكرينه جاي بالغلط والرابع الحمد لله امه شايلاه واريتها ماشايلاه طبعا بيتبكا وريالته كابه في توب امه وطبعا ليفوتكم التوب اخضر فسفوري والنص الباقي من التوب جاري في الواطه بيمسح في السرميك (ماعارفه ديل زاتهم كانو في الطياره كيف )
دي الوجوه الي اتذكرتها الجات من السودان وذكتني بالسودان ... قلت اذكركم شويه ..
معليش طولت عليكم ...