قصصكم يااجماعه

[cornelia]

يااجماعه
انا عامله الموضوع ده للجميع

اي زوول عندو قصه قابلتو في حياتو واقعيه

عن الحب مثلا او صادفتو سرقه او اي شي مثيير يجي بي جاي طوالي

يلا اتمنى يكون عجبكم

[حمادة عيل]

عن الحب للاسف ما عندي قصص عن الحب
لكين بي الامس القريب حصل كدامي موقف
هو ماغريب هنا في السعودية الا يوميا بيحصل
وهو سرقة الموبايلات بي الموتر لاكن الاتنين
الجويسرقو امبارح بي موترم امهم كانت داعية
عليهم ما في الا سرقو من واحد موبايلو بي جاي
ولسوء حظهم انو كان وراهم واحد من البدو المابيهم
حاجة بس ما لقاهم قادامو الا وداس بنزين عل الاخر
وطير الموتر بي الراكبين فيهو ومشا ولا عاين ليهم اذا
حصليهم حاجة ولا لأ .....)
تتوقعو حصل لي التنين الراكبين الموتر شنو؟؟؟؟

[حمادة عيل]

ومشكـــــــــــــــورة cornelia على البوست
$12$12$12

[cornelia]

حصل شنوووووووووووووو؟؟

شوقتنا ياعسل
ويسلموو على مرورك العسل نورتا البوست$12

[حمادة عيل]

طبعا الشي الطبيعي انو بعد الصدمة التصدمة
طبيعي بيكون حصليهو حاجة !!!!!!!!!!!!!!
لاكين اخينا دا نفض هدومووووووو وعاين
لي الموتر بتاعو لقاهو مانافع
خلاهو مكانو ومشــــــــــــــا

[cornelia]

ههههههههههههههههههههههه

حلووووووووووووووة دي

تمام والله ويسلمووووووو بالجد انت دايما معاي في مواضيعي ياعسل واتمنى كل الناس يكونو زيك
$3

[حمادة عيل]

ده الوجــــــــــــــــــــــب
$12$12

[cornelia]

وااللللللللللللللللللللللللللله انت عسسسسسسسسسسسسسسسسسل

ماااااااااااااااااااافي اعسسسسسل منك في المنتدى
يسلمو يامان على طلتك الحلوه$12يسلموووووووووووووووووووووووووووو

[look at me]

هوي هوي stop شغالين مجاملات ?7 ?36

كوري ما تحكي لينا انتي منتظرييينك

[حمادة عيل]

مش كده عملت البوست
ونستو ما خت فيهو ولا
قصة ,,,,,,,,,,,,
?29?29?29

[**دلعـ والدنيا ولعـ**]

طيب ياعثل شجعينا وختي قصص عشان نخت وراك
ومشكوره علي البوست

[حمادة عيل]

اعذروها ياجماعه اكيد مشغولة الايامات دي
!!!!!!!!!!!!!!!!!!!!!!!!!!!!!!!!!!!

[cornelia]

ههههههه
لاحووووووووووووووول مصررييين يعني اخت ليكم قصه
اوكي
دقيقه انفكر
اوكي
حاحكي حكايتي لمن كنتا صغيره
سخيفه شويه لكن مشي حالك بس عشان دي الي جات في راسي هسي

كنا في القلعه انا وماما وبابا واختي واخواني وكده
قمنا مرينا جمب ارنب وانا بموووووووت في شي اسمو ارنب بس قعدتا ابحللللق فيهو مددده كده

فجأه عاينتا يمين وشمال مالقيت لا ماما ولا بابا ولا زوول من عائلتي?25?25?26

قعدتا اتربعتا في الارض وابتديت البكا واااااااي ?25?25انا حابقى مشررده من غيير بيت وبقيت بتذكر ناس سندريلا وسالي البنات المقطعات اللي ماعندهم ام وابو واببببببببببكي
قام جا شرطي عاين لي كده قام قال لي قومي تعالي سالني عن اسمي وكده
ومسك المايك ونادا بابا وماما قامو جو واخدوني الحمدلله كنتا فاكره اني خلاص حياخدني هندي ولا بكستاني ولا شي
هههههههه خخخخ
يلا دي قصة بس من قصصي القطيع خخخ
ارتحتوا يلا احكو انتوا?7

[حمادة عيل]

؟18؟18؟18
ده القدرتي عليهو
؟17؟17؟17

[حمادة عيل]

على العموم شاكرين ليكي
ومقدرين جهودك وتعبك
?36?36?36

[cornelia]

هههههههههههههههههه
والله ده اللي قدرتا عليهو يلا ورينا انت?7
خخخخخ
ويسلموو على مرورك ومشاركاتك النادره ياعسل?7

[**دلعـ والدنيا ولعـ**]

طيب ادوني كم يوم كدا افكر في قصه خياليه واحكيها ليكم
بنفع وله لا ؟؟؟؟

[حمادة عيل]

خلينا نستنا قصة دلع الخيالية
وبعدا اخت انا قصة خيالية تانية

[cornelia]

ههههههه
اااي يب مستنيينك?7

[**دلعـ والدنيا ولعـ**]

هع هع انا نسيت الموضوع بس حقول ليكم قصه


اول شي ابطال القصه وهم( كارولينا وحمادة عيل وست الجيل وجاني وسنكرس ودلـ الناوي ،ـع وجوجو وفي ناس كتير بطلعو في القصه زي كاندي وتاني في بس ماتزعلو لاني ماكبته اساميكم

وهسي بفكر بالقصه وبحاول اكتبه ليكم

انظرونـي بس اجمع القصه
واذا ياحماده عايز تكتب قصتك اكتبه عادي هع

[حمادة عيل]

معقولة ودي تجي
برضو اكتب انا قبلك
لا لا مستحيــــل

[**دلعـ والدنيا ولعـ**]

لا عادي اكتب قبلي لين ماافكر

الحياة شراكه هع

[امير الزوق]

هذه قصة حدثت لي في السودان وهي والله حقــــــــيقـــــــــــية
طبعا انا ساكن في الريف المزارع والارضي الخضراء ....
المهم يوم من الايام طلب مني خالي اني اسقي المزرعة وكانت بعيدة من القرية
مشيت ومعاي ود عمتي (الله يرحمها) وكان الوقت بعد العصر ...
وصلنا المزرعة ولكن ما قدرنا نسقيها بسهولة لانو كان في واحد تاني بيسقي....
المهم انتهينا بعد المغرب ودي اول مرة نتاخر للوقت ده لانو المكان فاضي ومخيف
وفي طريق الرجعة حصلت المفاجأة الماكنا نتوقعها ..
كنا بنشوف نور بولع وبختفي بس بنمشي بعيد منو طبعا انتو عارفين لي ..
وفي الطريق للحلة كان في بير حقت جنينة لمن وصلنا قبل البير بشوية..
ونحنا خايفين وماسكين بعض فجأة يجي طاير ما تتوقعو حجمو كيف ...
وماشي علينا بسرعة وفجأة وبدون شعور التنين مع بعض قلنا (بسم الله )
ووقعنا من قوة الصدمة .. عاينا ورانا مافي اي حاجة
طبعا مشينا البيت باسرع ما يمكن وحلفنا ما نمشي المزرعة بس تقولو شنو
الخال اقنعنا بانو ما في حاجة كدا ومن داك اليوم المغرب نصليهو في القرية
وكل ما اتذكر الموقف احمد الله علي السلامة

[افريكانو]

تسلمممممممممممممم يازوق

[امواج الحنين]

اول شي اهنيك يا كوكو على الموضوع الجميل ده
مشكوووره يا كوكو

حماده عيل والله قصتك واقع مر ما منو مفر
تسلم عليها

كوكو والله قصتك قتلتني من الضحك باكستاني شنو البشيلك انتي اصلك لعبه يدوك لاي زول
تسلمي يا عسل

امير الزوق يا مالك علينا ياخي انا بحب الريف ده كيف و بسبب قصتك دي تاني ما هامشيهو
يقوم ياكلني بعّاتي ولا شي
تسلم ياخي

طيب انا اديكم قصه حقيقه برضو و مضحكه كمان
في السعوديه و الدنيا رمضان قبل سنين طوال لما كان عمري 6 سنه
و كنت ما عندي شغله غير الجري والنطيط و انا كنت جراي كيف سريع
لمن غلط , المهم كنا عازمين خالي ومرتو فطور و انا كانت مهمتي انبه
ناس البيت لمن هم يجو , فبقيت جاري من اول الشارع لآخرو ولما امر
ببيتنا ادخل بالباب الكبير اقول ليهم لسه ما جو و اطلع بالباب الصغير
وانا جاري زي ده لمحتهم ليك جايين قمت خشيت البيت و قلت ليهم
خالو الصادق جا و جري طلعت ليهم بره بس ويلا ....
طلعتي من الباب خالي كان لسه ما وقف العربيه قام دقشني ....
انا انجدعت هنااااااااااااااااااااااااااااااك و اول ما وقعت في الارض قمت جري
على البيت و قلت لامي خالو صدمني بالعربيه , ابوي مرق بره لقى
ليك خالي ده مكنكش في الدركسون و يهلل و يقول انا لله وانا اليه
راجعون قايل نفسو قتلني خلاص و مرتو ماسكه راسها وتبكي
ابوي هداهم و قال ليهم انو انا نصييييح ما فيني شق ولا طق
بعد داك نزلو من العربيه.

[slash]

سرقة الموبايلات دي بقت زي شراب الموية في اي مكان
حتي لقو يقولوا الموبايلو ما اتسرق ما زي الما عندو موبايل
تقبلو مروري

[cornelia]

ههههههههههههههههههههههههههههههههههههههه حلوووووووووة قصتك يااموااج تسللم ياعسل بالجد عجبتني
تقول شنو بس كنتا صغيره وكان رعبي الباكستانيين والهنود هسي بقيت عادي طبعا خخخ

واااااااااااي انا الليله ماحاقدر انووم يااخ خخخ تسلللم ياعسل ياامير الزووق وكلك زووق ياسكر


سلاش هوي مالك علينا انا الحمدلله لغاية هسي مااتسرق موبايلي
يلا احكي لينا كدي حكاية عن سرقت الموبايل

انا هسي بجي اقول ليكم قصة تاني لكن بس خلوني افكر واجي ازبطها ليكم خخخ

[cornelia]

يسلمو بالجد ياجماعه على تفعيلكم للبوست كنتا متوقعه الاقيهو ناايم لكن تسلموو

[اخصائي القلوب]

بوست جميل واللي عملوا اجمل .....................


واللي مروا عليهو غاية في الجمال ..........


انا هس في الشغل لم اصل البيت بكتب ليكم قصة حياتي الاليمة خخخخخخخخخخخ




............... تحياتي ......................