حمادة عيل
11-Aug-2007, 03:15 AM
شاب في بدايت سنو في عز شبابو وكان اخر سنة ليهو في الثنوي العالي بس انتهى مستقبلو بي الانتحار طبعا ما عارفين لي انتحر تعالو نشوف لي انتحر في قصة الشاب المنتحر: ده واحد من الشباب السعودي الكان من النوع المهتم بي قرايتو الاهتمام الشديد لي درجة انو كان ما بيطلع من البيت في عطلة نهاية الاسبوع وينشغل بي قرايتو وبذات في السنة الاخيرة من دراستو اهتم بي القراية شديد عشان كانو طموح انو يجيب نسب عالية ويخش الجامعة الهو عايزة لاكين في نهاية مشوارو اتلمليهو على شباب فاسد من افسد الشباب في المدرسة وبي الاصح هم الاتلمو عليهو وشوية شوية لغايت ما بقو اصحابو الابقو من اعز اصحابو وبدو ياخدوهو في طريق الخراب شوية شوية لغايت ما بقا يسجر ووبقا يثق في اصحابو ديل ثقة عمياء لي درجت انو كان بيطلع معاهم طلعات ومايرجع الا في ساعات الصباح وطبعا كل ما امو تسألو وين بتاخر بيقوليها اقرا مع اصحابي ويا حليلة الام على نياتا بتصدقو طوالي وشوية لم زاد علاقتو مع الشباب الفاسد وقويت بقو ياخدوهو معاهو على البيت البيحشش فيهو وهو طبعا ما بيحشش بس لمن اصرو عليهو بي انو يجرب وانو ما حيحصليهو حاجة غلط غلطتو وجر سيجارة الحشيش وياريتا وقفت على الحشيش الا كانو اصحابو ديل من اكبر المروجين لي انواع المخدرات ولمن بقا الشباب يجي عندهم يفتش على الحشيش يدوهو ولا في يوم من الايام قاليهو ما عندنا حشيش عندنا الاحسن من الحجيش اليلة حنخلي ليلتك صباحي شربوهو شراب واتعود على الشراب والا في يوم من الايام يدخل عليهم والا يللاقيهم كلهم متجمعين بس ما كان عندهم لا شراب ولا حشيش وهو من ادمانو قعد معاهم قال اكيد حيدوهو اي حاجة وما عارف انو كان معاهم اخطر حاجة كان معاهم بودرة هروين والمرة دي هم ما اصرو عليهو انو يشمها هو الاصر على نفسو وشم الهروين ودي كانتو نهايتو وبدايتو مع الادمان البي جد الادمان الجسدي والعقلي وبقا كل ما يجي يخليهو يشم والا في يوم من الايام جا عندهم قاليلهو ما عندنا العندنا كلو خلص وما عندنا قروش عشان نشتري قاليهم ما مشكلة كم دايرين انا بجيبليكم قاليهو دايرين الفين ريال في الاول قال ما بقدر وما عندي ومن الكلام ده لا كين اقنعوهو انو يجيب الالفين مشا باع حاجاتو الفي البيت واداهم القروش ومامرا شهر الاطلبو منو تاني قروش وبقا يقول من وين اجيب وما عندي ومن الكلام ده فهما قاليلوهو ما عندك خلاص ما في هروين لانو نحن ما عندنا قروش وياهو بقا يبيع في حاجات البيت لغايت ما قشط البيت وكل ما امو تسألو يقليها خاشي في مشروع والام على نياتا وبتصدق على طول وياهو على ده الحال لغايت ما خلاص ما فضل شي يبيعو وياهو مشا يطلب منهم هروين ولا ابر ولا اي شي قاليهو ما في لازم قروشك حتن نديك بقا يقليهم انا ما بقا شي ما بعتو ومن الكلام ده فقامو قاليهو في حل تاني تجبلينا اختك تختليها الحبة دي في الشاي وتجيبا لينا وبي الفعل شال الحبى خلاص على انو حيختها ليها وصلتو الحاجة للهروين انو يبيع اختو بي ارخص ثمن الا حظو انو لقا اهلو سافرو لي عمهم لانو تعب فجئة ورجعليهم وقاليهم انو ما لقا واحد في البيت فقاليهو في حل تاني في بقالة في الشارع الفلاني تمشليهو وتخوفو بي السكين وتاخد القروش الفي الدرج وجيبا لينا ومشا البقالة وخش على الهندي وخوفو بي السكين لاكين الهندي ما خلا الدرج وقام عبيهو داك ما لقا حل الا انو يطعنو وفعلا بدا يطعن فيهو ولسوء حظو انو واحد من المحلات المقابلة لي البقالة شافو وبلغ عن الشرطة وفتح الدرج بعد ما طعن الهندي طعن لاكين مامات الهندي وما لقا في الدرج الا تسعمئة ريال وشالا وداير يقوم جاري مالحق يطلع من الدكان الا والشرطة في وشو مسكو وكان اتهامو بي اربع تهم حمل سلاح تعاطي المخدر التعدي على شخص السرقة ودخلوهو السجن وحكمو عليهو بي عشرين سنة سجن وكان كم مرة بيحاول الانتحار في السجن لاكين بيلحقوه وفي يوم من الايام زارو شيخ من الشيوخ البيزورو المساجين ولقاهو ساكت وقاعد بعيد عن المساجين لمن قرب منو وبع تعب حتن خلاهو يحكليهو حكايتو دي وعرف منو انو ما شايل الا هم اهلو وامو بذات ووصا الشيخ عليهم بعد ما اداهم عنوان البيت واهتم بموضوعو الشيخ خصوصا انو حفظ القراءن في السجن لاكين ما لحق الشيخ انو يزورو لي المرة التانية لانو لمن جا المرة التانية لقاهو مات في الحريقة الحصلت في السجن وكدا انتهت نهايت الشاب المكافح الكان من اوائل الطلبة في المدرسة بي انو اصبح مدمن مخدرات وفعلا المدمن يعمل اي شي عشان يتعاطى المخدرات ... واتمنى انو ما في واحد منكم يقع فيها