تيتو
23-Oct-2007, 09:45 PM
اسامى الدلع...بين اليوم والامس
كَوْنُو يكون اسمك على و يقولوا ليك (أبو عِلوه) أو (علّوبة) فـَ دى عين العقل والمنطق
وتكون احمد او محمد ويقولو ليك ابو حميد فـَ دا كلام مية مية وما فوقو اى نقاش
وسارة سرورة... ورانيا رنويه .. وجمانه جوجو..ورشا رشّوية. وسما سمويه.. وهبة هبّوية... و سلوى سَلوْلَوْ (شعرا مَلَوْلَوْ .وفاطنه فطومة.. عضَّتا الكديسة عِنْ ناس نفيسة) ونفيسة ذاااااااتا نَفَس أو نفّوس......لحدى هنا انحنا ماشين كويس.... لانها على الاقل حاجة قر يبة من الاسم .... صاح ولا ماصاح؟؟؟؟؟؟
لاكين بالله عليكم سمعتو زولة بدلعوها يقولوا ليها يا (سوسو) .... بس ممكن تتخيلوا انو يكون إسِمَا منو؟؟؟؟؟؟
قطع شك انو اى زول فيكم حيكون قايلا يا اسمها بادى بالسين.... او واحد من حروف إسِمَا سين .....كَدِى ولا ما كَدِى؟؟؟؟؟؟؟؟
نرجع لى ورا شوية ( ورا دى بالمناسبة ما بعيدة).....لانى لسع سغمبروتى...
المهم ورا دى .... معناها لمن كنا طلبة فى الجامعة(الكلام دا السنه الفاتت عشان ما تقوموا تكبرونى كمان)..... كان عندنا اصحابنا من دفعتنا بقروا فى جامعة تانية.... فـَ كان بحصل تبادل زيارات.... البيأجِّزُوا بمشوا للتانيين....
واحدة من البنات فى شلة اصحابنا ديل......اسمها منوووووووووووووو؟؟؟؟
إسِمَا سوسو... ..سوسو جات وسوسو مشت سوسو قعدت وسوسو قامت.....
أهااااااااااااااا.... انا مرة مشيت ليهم من غير سابق انذار.....
وليييييييييى التعترنى الله ما لمَّانى إلاَّ فى سوسو وبس...
وما لقيت ولاااااااااااااا قرد فيهم ....لأ وانت تعال شوف فلهمتى وقرضمتى .... حلفتا بالتقطِّعنى ما اقول ليها يا سوسو...
شابِكَا ليك لاكين عارفه يا ( آآآآآآ) الجماعة ديل شكلهم ما جاييين...ويا (آآآآآآآآآآآ) .... وهى طبعا قايلانى ناسى اسمها وبحاول اتذكر فيهو ....ولمن أنا كترتها....وخلااااااااس هى وصلت حدها... انتى يا سوسو الجن قومى دخلينى فوق اضافرينى ... وانفصمى فينى : بالمناسبة انا سوسو ....أها انا الساعة ديك تنفستا الصعداء .... وجاتنى بر ااااااها مدردقة.... ولاااااااااااا كضبتا وقلتا ليها: و بى نفس المناسبة حقتك دى... سوسو دا دلع لى منو؟؟؟؟؟؟
اها الليلة النجيييييييييض فيكم الـ ينقر لى إسِمَا طلع منو؟؟؟؟؟
أنقروا ما طَلَعت
..
...
....
......
(هــــــــــــــدى)....
بالله شفتوا جنس المِحَن دى؟؟؟؟؟؟؟
وانا قالُّوك قصَّرتا ... انفقعتا بالضحك لاااامن داير اتدردق فى الواطة. ... وهى بى كل برود قالت لى :انتا مستغرب مالك؟؟؟ انا اختى اسمها رقية ودلَعَا (نونو)....بى قلبى قلتا: بالطريقة دى قطع شك امهن بتكون خجيجة ودلَعَا (لولو)........
استغفرتك يا مالك روحى…هى دى شنى الكلفتة دى… الناس دى ما يا إمَّا تدلع كويس او تسكت .....
اسماء الدلع ( أو العَجَن) ...
زى ما قال السميح : اسمى عكود عبد الله عكود .. اسم العجن (اى الدلع) (عِكْوَة) .....
عند الشعب السودانى بتبدا من الشفع الصغَار.... يعنى بنلقى اسماء شايعة بدلِّعوا بيها جميع الشفع زى تمبوش ....و كدمبوشة .... وبمبوشى ..والدقلوشتى.. وبعد داك حمادة وحمودى و شنو كدى ما بعرفو..... المهم انو ما اظن فى شافع سغيِّر ما قالو ليهو اسم دلع .....
لكن المصيبة انو اسم الدلع دا يمشى معاك لحدى ما تكبر..... وفى احيان كتيرةالناس بينسوا اسم الزول الأصلى .... وهسى فى ناس كبااااااااااااااااااااااار (بالذات البنات) ساير عليهم اسم الدلع .....
وأكان كمان فى اسم دلع عاجبك ومدلع بيهو روحك وداير الناس تقولوا ليك.... أها كيتاً فيك كدى أكان تربِّع الفاتحة ما بقولوهوا ليك .... جنس غتاتةً فى الدِنيا دى......
نجى للكنية ....
ابو فلان وام فلان .... عندنا كتييييييييييييرة .... حسن ابو على ... وابراهيم ابوخليل .... و محمود ابوحنفى .وايهاب ابو لبنى (دى جديدة من عندى) .. وابو عويض وابو الشوش وابو الخُلْد ....
اما الجات جديدة فى الزمن دا ....ياخدوا الحرف الاول من الاسم ويلصقوا ليك فيهو( أبو ) ويدلعوا بيهو الزول ....يااااااا ابو النا .....ابو الكا .....ابو الرا ..... ابو الوا ......
وبالمناسبة لو ولد أو بت كلهم ابَّهَات برضو .... يعنى مثلاً بتول طوالى تبقى ابو البا .. هيثم ابو الها
والله العظيم أكان ناس ابو السا (سيبويه) و أبو الجا (الجاحظ) والجهابذة ديل كانوا قاعدين لى يوم الليلة ...
وكانوا سمعوا جنس النضم دا عِلاَّ كان جاتُم حالة عصبية .... وفى احتمال كبير تجيهم سكتة دماغية ....
حتى حروف اللغة العربية عملنا ليهن ابَّهات ....
والله بس دا دلع الضريب و وجع العناقريب .....قال ابو العا قال .....
و هسى فى ذمتكم التذممكم اكان ما انحنا جننا دلع صحى صحى.... حتى الحيوانات شفنا ليهن اسامى دلع.. القرد بنقول ليهو الكَكُّو (كَكُّو حليمة جزمة قديمة) والكديسة بندلعا بـــــــُرََّة
اما الالقاب فـَ دى حاجة مختلفة تماماً عن اسامى الدلع ..... واللقب بيكون عادة مرتبط بى شكل (اب راس مثلاً للزول الراسو كبير)او بى قصة معينة او بى مهنة أو تشبيه معين (اب كرنك مثلاً للزول الاعرج) وحاجات كتييييييييييرة .....
ولعل من الثقافات القديييييييييمة و الشايعة عندنا فى السودان ... بنلقط الالقاب من التلفزيون والاذاعة... وزمان كمية من الناس لقبوهم بى (كورينا) .... واى زول بتاع ضحك وهظار سميناهو (كبسور) ، و(كوجاك) وبعد داك بقى أى زول صحابى وعاااااتى بلقبوهو (الدهنون) ...وبعد داك جا لقب (اب جاكومة) ....الى ان وصلنا لى انو هسى اى زول شين لقبوهو (ستمونى) و (رونالدينيو) و (الشكلوته) ...
حمانى الله واياكم من التسمية الستمونية والشكلوتية .أما الرونالدينيه فيا ريييييييييييييت....
أقول قولى هذا وأستغفر الله لى ولكم .. .. .. فأستغفروه
كَوْنُو يكون اسمك على و يقولوا ليك (أبو عِلوه) أو (علّوبة) فـَ دى عين العقل والمنطق
وتكون احمد او محمد ويقولو ليك ابو حميد فـَ دا كلام مية مية وما فوقو اى نقاش
وسارة سرورة... ورانيا رنويه .. وجمانه جوجو..ورشا رشّوية. وسما سمويه.. وهبة هبّوية... و سلوى سَلوْلَوْ (شعرا مَلَوْلَوْ .وفاطنه فطومة.. عضَّتا الكديسة عِنْ ناس نفيسة) ونفيسة ذاااااااتا نَفَس أو نفّوس......لحدى هنا انحنا ماشين كويس.... لانها على الاقل حاجة قر يبة من الاسم .... صاح ولا ماصاح؟؟؟؟؟؟
لاكين بالله عليكم سمعتو زولة بدلعوها يقولوا ليها يا (سوسو) .... بس ممكن تتخيلوا انو يكون إسِمَا منو؟؟؟؟؟؟
قطع شك انو اى زول فيكم حيكون قايلا يا اسمها بادى بالسين.... او واحد من حروف إسِمَا سين .....كَدِى ولا ما كَدِى؟؟؟؟؟؟؟؟
نرجع لى ورا شوية ( ورا دى بالمناسبة ما بعيدة).....لانى لسع سغمبروتى...
المهم ورا دى .... معناها لمن كنا طلبة فى الجامعة(الكلام دا السنه الفاتت عشان ما تقوموا تكبرونى كمان)..... كان عندنا اصحابنا من دفعتنا بقروا فى جامعة تانية.... فـَ كان بحصل تبادل زيارات.... البيأجِّزُوا بمشوا للتانيين....
واحدة من البنات فى شلة اصحابنا ديل......اسمها منوووووووووووووو؟؟؟؟
إسِمَا سوسو... ..سوسو جات وسوسو مشت سوسو قعدت وسوسو قامت.....
أهااااااااااااااا.... انا مرة مشيت ليهم من غير سابق انذار.....
وليييييييييى التعترنى الله ما لمَّانى إلاَّ فى سوسو وبس...
وما لقيت ولاااااااااااااا قرد فيهم ....لأ وانت تعال شوف فلهمتى وقرضمتى .... حلفتا بالتقطِّعنى ما اقول ليها يا سوسو...
شابِكَا ليك لاكين عارفه يا ( آآآآآآ) الجماعة ديل شكلهم ما جاييين...ويا (آآآآآآآآآآآ) .... وهى طبعا قايلانى ناسى اسمها وبحاول اتذكر فيهو ....ولمن أنا كترتها....وخلااااااااس هى وصلت حدها... انتى يا سوسو الجن قومى دخلينى فوق اضافرينى ... وانفصمى فينى : بالمناسبة انا سوسو ....أها انا الساعة ديك تنفستا الصعداء .... وجاتنى بر ااااااها مدردقة.... ولاااااااااااا كضبتا وقلتا ليها: و بى نفس المناسبة حقتك دى... سوسو دا دلع لى منو؟؟؟؟؟؟
اها الليلة النجيييييييييض فيكم الـ ينقر لى إسِمَا طلع منو؟؟؟؟؟
أنقروا ما طَلَعت
..
...
....
......
(هــــــــــــــدى)....
بالله شفتوا جنس المِحَن دى؟؟؟؟؟؟؟
وانا قالُّوك قصَّرتا ... انفقعتا بالضحك لاااامن داير اتدردق فى الواطة. ... وهى بى كل برود قالت لى :انتا مستغرب مالك؟؟؟ انا اختى اسمها رقية ودلَعَا (نونو)....بى قلبى قلتا: بالطريقة دى قطع شك امهن بتكون خجيجة ودلَعَا (لولو)........
استغفرتك يا مالك روحى…هى دى شنى الكلفتة دى… الناس دى ما يا إمَّا تدلع كويس او تسكت .....
اسماء الدلع ( أو العَجَن) ...
زى ما قال السميح : اسمى عكود عبد الله عكود .. اسم العجن (اى الدلع) (عِكْوَة) .....
عند الشعب السودانى بتبدا من الشفع الصغَار.... يعنى بنلقى اسماء شايعة بدلِّعوا بيها جميع الشفع زى تمبوش ....و كدمبوشة .... وبمبوشى ..والدقلوشتى.. وبعد داك حمادة وحمودى و شنو كدى ما بعرفو..... المهم انو ما اظن فى شافع سغيِّر ما قالو ليهو اسم دلع .....
لكن المصيبة انو اسم الدلع دا يمشى معاك لحدى ما تكبر..... وفى احيان كتيرةالناس بينسوا اسم الزول الأصلى .... وهسى فى ناس كبااااااااااااااااااااااار (بالذات البنات) ساير عليهم اسم الدلع .....
وأكان كمان فى اسم دلع عاجبك ومدلع بيهو روحك وداير الناس تقولوا ليك.... أها كيتاً فيك كدى أكان تربِّع الفاتحة ما بقولوهوا ليك .... جنس غتاتةً فى الدِنيا دى......
نجى للكنية ....
ابو فلان وام فلان .... عندنا كتييييييييييييرة .... حسن ابو على ... وابراهيم ابوخليل .... و محمود ابوحنفى .وايهاب ابو لبنى (دى جديدة من عندى) .. وابو عويض وابو الشوش وابو الخُلْد ....
اما الجات جديدة فى الزمن دا ....ياخدوا الحرف الاول من الاسم ويلصقوا ليك فيهو( أبو ) ويدلعوا بيهو الزول ....يااااااا ابو النا .....ابو الكا .....ابو الرا ..... ابو الوا ......
وبالمناسبة لو ولد أو بت كلهم ابَّهَات برضو .... يعنى مثلاً بتول طوالى تبقى ابو البا .. هيثم ابو الها
والله العظيم أكان ناس ابو السا (سيبويه) و أبو الجا (الجاحظ) والجهابذة ديل كانوا قاعدين لى يوم الليلة ...
وكانوا سمعوا جنس النضم دا عِلاَّ كان جاتُم حالة عصبية .... وفى احتمال كبير تجيهم سكتة دماغية ....
حتى حروف اللغة العربية عملنا ليهن ابَّهات ....
والله بس دا دلع الضريب و وجع العناقريب .....قال ابو العا قال .....
و هسى فى ذمتكم التذممكم اكان ما انحنا جننا دلع صحى صحى.... حتى الحيوانات شفنا ليهن اسامى دلع.. القرد بنقول ليهو الكَكُّو (كَكُّو حليمة جزمة قديمة) والكديسة بندلعا بـــــــُرََّة
اما الالقاب فـَ دى حاجة مختلفة تماماً عن اسامى الدلع ..... واللقب بيكون عادة مرتبط بى شكل (اب راس مثلاً للزول الراسو كبير)او بى قصة معينة او بى مهنة أو تشبيه معين (اب كرنك مثلاً للزول الاعرج) وحاجات كتييييييييييرة .....
ولعل من الثقافات القديييييييييمة و الشايعة عندنا فى السودان ... بنلقط الالقاب من التلفزيون والاذاعة... وزمان كمية من الناس لقبوهم بى (كورينا) .... واى زول بتاع ضحك وهظار سميناهو (كبسور) ، و(كوجاك) وبعد داك بقى أى زول صحابى وعاااااتى بلقبوهو (الدهنون) ...وبعد داك جا لقب (اب جاكومة) ....الى ان وصلنا لى انو هسى اى زول شين لقبوهو (ستمونى) و (رونالدينيو) و (الشكلوته) ...
حمانى الله واياكم من التسمية الستمونية والشكلوتية .أما الرونالدينيه فيا ريييييييييييييت....
أقول قولى هذا وأستغفر الله لى ولكم .. .. .. فأستغفروه